Mastercard Travel Rewards – Kart sahibi üçün Şərt və Qaydalar

Proqrama ümumi baxış

Mastercard Travel Rewards rəqəmsal, transsərhəd təkliflər proqramıdır. Keçərli kart sahibləri dünyanın ən məşhur ölkələrində yerləşən ticarət brendlərində fiziki və onlayn alış-veriş zamanı kəşbək təkliflərindən yararlana bilirlər. Müvafiq satınalmalardan sonra çıxarış kreditləri emitent bank(lar) tərəfindən kart sahiblərinin hesabına kupon və aksiya kodları tələb olunmadan avtomatik olaraq köçürüləcək.

Keçərli Mastercard-ı olan bütün kart sahibləri Mastercard Travel Rewards təkliflərindən istifadə edə bilər. Keçərliliklə bağlı suallar üçün kart sahibləri Mastercard-ını buraxan bankla əlaqə saxlamalıdır. Kart sahibləri seçilmiş ticarət obyektlərində öz kartlarından istifadə etməklə bütün dünyada eksklüziv təkliflərə çıxış əldə edə bilərlər. Bəzi təkliflər keçərli karta birbaşa inteqrasiya olunub, digər təkliflər isə təklifi karta əlavə etməklə və ya Mastercard Travel Rewards veb-saytında (https://mtr.mastercardservices.com/) təqdim edilmiş satıcı filial linki vasitəsilə birbaşa alış-veriş etməklə aktivləşdirilir. Aktivləşdirmə tələb edən təkliflər üçün kart sahibləri keçərli alış-veriş etmədən əvvəl təklifin üstünə gələrək “Karta əlavə et” düyməsini klikləməlidir. Təklif və məntəqələrin hazırkı siyahısı və fərdi təklif şərtləri üçün kart sahibləri https://mtr.mastercardservices.com/ və ya www.priceless.com/travelrewards saytına daxil ola bilər. Yeni satıcı təklif və məntəqələri hər rüb əlavə edilir.

Təklifin Şərt və Qaydaları:

Keçərli əməliyyatlar Mastercard ilə edilən tranzaksiyalar ilə məhdudlaşır və yalnız keçərli Mastercard kartı ilə edilməlidir. Əməliyyatlar satıcı təklifinin siyahıya alındığı ölkənin yerli valyutasında aparılmalıdır. Bəzi təkliflər yalnız mağazadaxili və ya onlayn ödənişlərlə məhdudlaşır. Bəzi təkliflər hər bir kart sahibi üçün hər təklif müddətində bir ödəmə ilə məhdudlaşır. Çıxarış krediti şəklində olan kəşbəkin kart sahiblərinin çıxarışlarında görünməsi 60 günə qədər çəkə bilər. Bu vaxt həm kartı verən quruluşa, həm də kəşbəkin kart sahibinin çıxarışında görünməsi 120 günə qədər çəkən satıcı filial linki tərəfindən verilən təkliflərdə fərqli ola bilər. Təklif haqqında ətraflı məlumat üçün, Şərt və Qaydalar, məxfilik bildirişləri və digər müvafiq məlumatlar üçün https://mtr.mastercardservices.com/ və ya www.priceless.com/travelrewards ünvanına keçid edin.

Proqramın Şərt və Qaydaları

Mastercard istənilən vaxt xəbərdarlıq etmədən istənilən satıcı təkliflərini və ya bazarları əlavə etmək və ya silmək hüququnu özündə saxlayır. Satıcılar keçərli Mastercard kart sahibləri üçün https://mtr.mastercardservices.com/ (“Mastercard Saytı”) saytında mövcud olacaq mal və xidmətlərin alışında müəyyən endirimlər, güzəştlər və ya digər üstünlüklər təqdim edə bilər. Bu cür təkliflər müəyyən şərt və qaydalara tabedir və bu proqram istənilən vaxt sizə xəbərdarlıq edilmdən dəyişə bilər.
Mastercard bu cür təkliflərlə bağlı kart sahibləri və satıcı arasında hər hansı qarşılıqlı əlaqə nəticəsində yaranmış itki və ya ziyana görə məsuliyyət daşımır. Burada qeyd olunan hallar istisna olmaqla, malların və xidmətlərin çatdırılması, geri qaytarma və zəmanətlər daxil olmaqla, lakin bununla məhdudlaşmayan bütün məsələlər yalnız və ciddi şəkildə kart sahibi ilə müvafiq satıcı(lar) arasındadır. Kart sahibləri qəbul edirlər ki, Mastercard, Mastercard Saytı vasitəsilə əlçatan olan satıcıları və onların təqdim etdiyi təklifləri nə təsdiq edir, nə də zəmanət verir.
  • Mastercard təklif olunan məhsul və xidmətlərə görə heç bir məsuliyyət daşımır.
  • Mastercard nəzərdən qaçmış və ya xətalı kəşbəkləri Mastercard sistemləri vasitəsilə tənzimləmək və kart sahiblərinin kart çıxarışlarında bu düzəlişləri təqdim etmək hüququnu özündə saxlayır. Mastercard bu düzəlişlər üçün heç bir kompensasiya təmin etmək məcburiyyətində deyil.
  • Kəşbək ləğv edilmiş və ya geri qaytarılmış əməliyyatlara tətbiq edilmir.
  • Kart sahibləri müvafiq qanun və qaydalara və Proqramın şərt və qaydalarına əməl etməlidir. Kart sahibləri kəşbək əldə etmək üçün sistemin boşluqları, plug-in proqram təminatı, plug-inlər və ya qeyri-qanuni mənfəət əldə etmək, nağd pul çıxarmaq, saxta əməliyyatlar və s. kimi zərərli davranışlar sərgiləyərək bütövlüyü dürüstlüyü pozan hər hansı vasitə və ya alətlərdən istifadə edərsə, Mastercard, həmin kart sahiblərinin kartlarının keçərliliyini ləğv etmək, birbaşa və ya emitent bank vasitəsilə hər hansı ödənilmiş kəşbəki ləğv etmək və ya geri qaytarmaq hüququnu özündə saxlayır.
  • 18 yaşına çatmayan azyaşlılar proqramın keçərli iştirakçıları arasında yer almır.